I love 韓裝 ～

近年來都特別流行韓國服飾同美妝。若偶然想換個形象，又何需換掉整個衣櫃呢？其實把衣櫃裡的衣服陪襯一兩件韓風飾物，再從妝容方面動手，也就可以化身韓國少女~

今天我把平時常穿的雪紡背心和花花牛仔短褲，陪襯了 淺綠色的長絲帶hairband。 為了令效果更有少女味道，我隨意的把頭髮用絲帶綁在一邊，也稍微留下一些頭髮當作垂墜髮絲。

而在化妝方面，我把有珠光的打底霜和粉底先混合再塗上， 目的是要打造韓系女生都愛的水潤光澤感。而淡淡的一字眉是韓妝不能少的。我把整個妝的重點放在粗粗的上揚眼線，看起來簡單乾淨也充滿自信。嘴巴是benefit的posietint， poppy pink 的唇的帶出少女味（但因為經過傻瓜機既effect，妝的色彩被淡化了， 我特意加了一張沒用effect的大頭照）。

 我一有時間就會在淘寶找不同的飾物，其實也到了上癮的程度了。如果你願意花時間淘寶就一定能找到便宜，quality又好的寶貝。就像我的韓式hairband也都只是RMB30。若大家想找類似的頭飾，建議在淘寶搜尋器上打入“韓國長絲帶髮帶”之類的關鍵字。

YELLOW SUMMER KICK-OFF PARTY~

炎炎夏日最好不過就係可以黎個有靚酒和美食的 Poolside Party。上星期五Veuve Clicquot 係Grand Hyatt Poolside 舉行既 Yellow Summer Kick Off Party 就為賓客佈置了一個市區內的黃金沙灘。隨處可見係冰涼的香檳、美食、太陽傘同surfboards， 就像置身渡假勝地一樣的relax。 Benefit Cosmetics 還很貼心在會場 set up了兩個powder room為在場女士freshen up.

隨著大會定下的Dress Code： Barefoot and Black tie，大家都穿得正式是但又不失夏日的感覺。 我本人就穿了一條簡單的彩藍色薄紗長裙， 正式得黎又飄逸。到場後也換上大會提供的flip flop、太陽帽和太陽眼鏡。 另外，彩妝方面，我選擇了大會的signature yellow 作眼影的顏色，再配上粗眼線，眼線強烈但有帶著summer色彩。

離開的時候，大會還送了souvenir呢～ 當中有Veuve Clicquot 的 Brut Yellow Label Champagne 同 Benefit Cosmetics 的 Cabana Glama your desTANation MakeUp Kit。收到時都真係WOW左聲～

款色花多眼亂的指甲貼～

最近流行用指甲貼紙， 自己都忍不住買了幾pack回來試。 指甲貼紙之所以流行係因為user friendly得黎效果又好。比起一般指甲油或Gel甲，指甲貼快捷方便唔需要等乾、 圖案可以很複雜但又唔會出錯。最重要既係，指甲貼一D都唔難貼，仲好易上手。跟住包裝紙上既指示整大約15分鐘就可以做出時尚既指甲！

我本人特別鍾意metallic colour既指甲貼。 金屬色既指甲貼可以呈現出一般指甲油做唔到既反光感同光滑感。貼上指甲後就好似塊鏡一樣咁閃。

 

以下係我淘寶買回來既metallic colour 指甲貼紙。貼上效果非常好， 襯衫超好睇！既然係淘寶貨就當然平啦，4蚊人仔就有交易。 可惜維持唔到一日就開始披口， 所以我會建議係表面再塗一層光油。

 

如果講好用我會推介以下的L'oreal Paris 立體藝術美甲貼紙。貼紙既質地比前者厚實和貼服很多，容易handle， 但又唔容易披口。雖然一包賣65蚊，但我覺得物有所值， 因為貼紙質地厚實堅韌，感覺可以last很耐， 裡面仲附送非常好用的指甲銼。賣點係可以無瑕疵地維持長達10日架！過幾天等我為大家update下個實況吧！

 

Summer控油首選~

今日主要想為大家介紹兩支控油法寶， 就係Bioderma Sebium 控油護理系列既 收毛孔控油精華 和 控油去粉刺乳液。

我本身係屬於混合性皮膚。 夏天一到， 個底妝唔使2-3個鐘就已經溶左一半，T字位更滿臉油光。上星期行過Mannings見到Bioderma的控油系列， 心思思揀左兩支返去試，竟然有意外驚喜。

由於我T字位經常出油，毛孔都略為粗大。用了Bioderma哩兩支法寶，可以整天不出油， 底妝全日都仲係好Matte。少了出油，毛孔好似變細左。另外，我的T字部位都有嚴重的粉刺問題，但搽左哩兩支法寶後， 有粉刺的地方瞬間也變的細滑好多。 睇返說明書，原來裡面有隻成分叫 Salicylic Acid 係可以軟化角質，平化皮膚。搽完再上粉底就當然更貼服啦！